Saturday, July 13, 2013

സൈക്കിള്‍ പഠിപിച്ച പാഠം !!!



         
ഇന്ന് സൈക്കിള്‍ എന്നെ ഒരു ജീവിത പാഠം പഠിപിച്ചു, അതിനെപറ്റി ആണ് ഇന്ന് പറയുന്നത്
.
               കഴിഞ്ഞ ഒരു വര്‍ഷമായി ചെറു യാത്രകള്‍ക്ക് ഞാന്‍ സൈക്കിള്‍ ഉപയോഗിക്കുന്നു . ഇന്ന് ഉച്ച കഴിഞ്ഞു മഴ മാറി നില്കുകയായിരുന്നു . അത് കൊണ്ട് തന്നെ ഞങ്ങളുടെ അടുത്ത കവല ആയ ആറ്റുവാ  വരെ പോയി , അവിടെ ഉള്ള ഒരു നഴ്സറിയില്‍ നിന്ന് ഒരു മാവിന്‍ തയ്യ്‌ വാങ്ങുവാന്‍ തീരുമാനിച്ചു . സൈക്കിള്‍ എടുത്തു കാറ്റ് ഒക്കെ അടിച്ചു പതുക്കെ ചവിട്ടി . സൈക്കിള്‍ പതുക്കെ ചവിട്ടി ചുറ്റുപാടും ഉള്ള ഓരോന്നിനെയും നോക്കി യാത്ര ചെയ്യുമ്പോള്‍ മനസ് ധ്യാനത്തിലൂടെ എന്നവണ്ണം കടന്നു പോകുന്നു . ആറ്റുവ ക്കും പന്തളത്തിനും ഇടയില്‍ ഐരാണിക്കുടി എന്ന ഒരു സ്ഥലം ഉണ്ട് . അവിടെ ഒരു പാലവും അത് കഴിഞ്ഞു ഒരു കയറ്റവും ഉണ്ട് . കയറ്റം തുടങ്ങിയപ്പോള്‍ ഞാന്‍ സൈകിളില്‍ നിന്നും ഇറങ്ങി അത് തള്ളി നടക്കുവാന്‍ തുടങ്ങി . അപ്പോള്‍ എന്‍റെ മനസിലേക്ക് ഒരു ചിന്ത കടന്നു വന്നു

കയറ്റത്തു തള്ളിയാല്‍.... ഇറക്കത്ത് പായാം


         അതായതു കയറ്റം വരുമ്പോള്‍ സൈക്കിള്‍ ഇറങ്ങി തള്ളിയാല്‍ ഇറക്കം വരുമ്പോള്‍ അതിന്‍ മേല്‍ കയറി പാഞ്ഞു പോകാം എന്ന്

     നമ്മുടെ ഒക്കെ കുടുംബ ജീവിതത്തിലും ഈ പറച്ചില്‍ ശരി ആണെന്ന് എനിക്ക് തോന്നുന്നു 
.
       കുടുംബത്തില്‍ ഒരു സാമ്പത്തിക ബുദ്ധിമുട്ട് അനുഭവ പെടുന്നു എന്ന് കരുതുക . അപ്പോള്‍ ഭാര്യയും ഭര്‍ത്താവും ഒരു കയറ്റം കയറുക ആണ് .മുന്‍പ് ജീവിച്ചത് പോലെ ജീവിക്കാന്‍ പറ്റുക ഇല്ല . കയറ്റം കയറുമ്പോള്‍ നാം സൈക്കിള്‍ താങ്ങി നടക്കുന്നത് പോലെ ഒരു പ്രയാസ ഘട്ടത്തില്‍ കുടുംബത്തില്‍ എല്ലാവരും പരസ്പരം താങ്ങും തണലും ആയിരിക്കണം . കുറച്ചു കഴിയുമ്പോള്‍ കയറ്റം കഴിയുന്നത്‌ പോലെ സാമ്പത്തിക പ്രയാസം ആയാലും അങ്ങ് മാറും. അപ്പോള്‍ ഇറക്കം ഇറങ്ങി സൈകിളില്‍ പാഞ്ഞു പോയത് പോലെ നമുക്കും സുഖമായി ജീവിക്കാം

        ഓരോ പഴ മൊഴികളിലും ജീവിത അനുഭവങ്ങള്‍ കൊത്തി വച്ചിര്കുന്നു . ഇന്നത്തെ സൈക്കിള്‍ യാത്ര എനിക്ക് സമ്മാനിച്ച ഒരു ജീവിത പാഠം വായനക്കാരുമായി പങ്കു വക്കുക ആണ് ഞാന്‍ ചെയ്തത് . നിങ്ങളുടെ വിലയേറിയ അഭിപ്രായത്തിനായി കാത്തിരിക്കുന്നു . നന്ദി .. നമസ്കാരം

11 comments:

  1. പഴഞ്ചൊല്ലില്‍ പതിരില്ല

    ReplyDelete
  2. ചിന്ത സമ്മാനിച്ചതിന് നന്ദി നിസ്സാരമായ പഴമൊഴികൾ അർത്ഥവത്താണ്

    ReplyDelete
  3. ഈ ചിന്തകള്‍ ഇഷ്ടമായി!!അര്‍ത്ഥമുള്ള ചിന്തകള്‍!!

    ReplyDelete
  4. വട്ടത്തിൽ ചവിട്ടിയാൽ നീളത്തിൽ ഓടുന്ന സൈക്കിൾ ഒരു പാട് കാര്യങ്ങൾ പഠിപ്പിക്കുന്നുണ്ട് ജീവിതത്തിൽ സൈക്കിൾ ബാലൻസ് പോലെ ജീവിതം കൊണ്ട് നടക്കുവാൻ പോലും

    ReplyDelete
  5. നേരെ ഓടിച്ചാൽ വേറെ താങ്ങ് ഇല്ലെങ്കിലും വീഴില്ല നിശ്ചലമായാൽ താങ്ങ് ഇല്ലെങ്കിൽ വീഴും

    ReplyDelete
  6. താങ്കളുടെ പോസിറ്റീവ് ആയ ചിന്ത എന്നെയും പോസിറ്റീവ് ആയി ചിന്തിക്കാൻ പ്രേരിപ്പിക്കുന്നു.

    ReplyDelete
  7. ചിന്തകള്‍ ഇഷ്ടമായി..........

    ReplyDelete
  8. വളരെ നല്ല ചിന്തകൾ............. ഓരോ പ്രതിസന്ധിഘട്ടങ്ങളിലും കടന്നുവരുന്ന നല്ല ചിന്തകൾ മുൻപോട്ടുള്ള യാത്രകളിൽ തീർച്ചയായും ഉപകാരപ്രദമായിരിയ്ക്കും....

    ReplyDelete
  9. നല്ലൊരു പാഠം തന്നെ!

    ReplyDelete
  10. നല്ല ചിന്ത.. എല്ലാവരും ഇങ്ങിനെ പോസിട്ടിവ് ആയി ചിന്തിച്ചാല്‍ നന്നായിരുന്നു.

    ReplyDelete