Tuesday, July 23, 2013

റബ്ബര്‍ കുട്ടയില്‍ മരങ്ങള്‍ വളര്‍ത്താം !!!!!



             ഒരു റബ്ബര്‍ കുട്ട ഉണ്ടെങ്കില്‍ നിങ്ങള്‍ക്ക് ഏതു ഫല വൃക്ഷവും നിങ്ങളുടെ ടെറസിലോ , മുറ്റത്തോ വളര്‍ത്താം. സ്വന്തമായി ഒത്തിരി ഭൂമി ഇല്ല എന്നോ , പറമ്പ് മുഴുവന്‍ റബ്ബര്‍ ആണ് എന്നോ പരാതി പറയേണ്ട . ആകെ വേണ്ടത് ഒരു ഇത്തിരി മനസ്മാത്രം

           തിരുവന്തപുരത്തുള്ള ശ്രീ തോമസ്‌ സര്‍ ആണ് ഇക്കാര്യത്തില്‍ എന്‍റെ മാതൃക . തന്‍റെ വീടിന്‍റെ മട്ടുപാവില്‍ റബ്ബര്‍ കുട്ടകളില്‍ നാല്പതു ഇനം ഫല വൃക്ഷങ്ങള്‍ ഇദേഹം നട്ടിട്ട് ഉണ്ട് . പലതരം മാവുകള്‍ ,ആപ്പിള്‍ ,പേര , സപോട്ട , മാതളം , കരിമ്പ്‌ , ചൈനീസ്‌ നാരകം, ചാമ്പ, മുരിങ്ങ, ആത്ത തുടങ്ങിയ ധാരാളം ഫല വൃക്ഷങ്ങള്‍ അദേഹം റബ്ബര്‍ കൊട്ടയില്‍ നട്ടു വളര്‍ത്തിയിട്ടുണ്ട് . ഇതില്‍ നിന്നും പ്രചോദനം ഉള്‍ക്കൊണ്ട്‌ ആണ് ഞാനും റബ്ബര്‍ കൊട്ടയില്‍ സപ്പോട്ട , മാവ് എന്നിവ നട്ടത് . അതിന്‍റെ വിവരങ്ങള്‍ താഴെ കൊടുക്കുന്നു 


വേണ്ട സാധനങ്ങള്‍

1.      റബ്ബര്‍ കൊട്ട. ഞാന്‍ നൂറ്റി അറുപതു രൂപക്ക് ഞങ്ങളുടെ അടുത്തുള്ള കടയില്‍ നിന്നും വാങ്ങി

2.      ഒരു കമ്പി കഷണം 

3.      ചകിരി , ഓടിന്റെ മുറി 

4.      മണ്ണ് , മണല്‍ , ചാണകപൊടി

ചെയുന്ന രീതി 

വളരെ എളുപ്പം ആണ് . ആദ്യം കുട്ടയില്‍ നടുവിലായി ഒരു കിഴുത്ത ഇടണം . ഒരു കമ്പി കഷണം അടുപ്പില്‍ വച്ച് പഴുപിച്ചു കുട്ടയുടെ അടിയില്‍ തോടുവിച്ചാല്‍ കിഴുത്ത വീഴും 

ഇനി കിഴുത്ത അടയാതെ ഇരിക്കാന്‍ അല്പം ചകിരിയും ഓട്ടിന് കഷണവും കുട്ടയില്‍ ഇട്ടു അതില്‍ മണ്ണ് , ചാണകപൊടി , മണല്‍ ഇവ തുല്യ അളവില്‍ കലര്‍ത്തി നിറക്കുക. മുക്കാല്‍ ഭാഗമേ നിറക്കാവു. ഇനി ഇഷ്ടമുള്ള മാവോ സപ്പോട്ടയോ തൈ ഇതില്‍ നടാം

കൂടുതല്‍ ചിത്രങ്ങള്‍ താഴെ കൊടുത്തിരിക്കുന്നു 
റബ്ബര്‍ കുട്ട

കമ്പി പഴുപിച്ചു  ഓട്ട ഇടുന്നു

കുട്ടക്ക് അടിയിലെ ഓട്ട

ചാണക്പൊടി, മണ്ണ് , മണല്‍

ഒന്നിച്ചു ഇളകുന്നു

ഓട്ട അടയാതിരിക്കാന്‍  ചകിരി

ഓട്ടിന്‍ കഷണം

വേണമെങ്കില്‍ അല്പം കരിയില ഇടാം

മണ്ണ് നിറക്കുന്നു


സപോട്ട നടുന്നു

   
കുട്ടക്കുള്ളില്‍  സപ്പോട്ട 



 തോമസ്‌ സാറിന്റെ നമ്പര്‍ 9961840960

 പ്രിയ വായനകാരെ ഞാന്‍ എന്‍റെ ഒരു അനുഭവം എഴുതി . നിങ്ങള്‍ വിലയേറിയ അഭിപ്രായം പറയണം നന്ദി നമസ്കാരം

9 comments:

  1. ഒരു റബ്ബര്‍ കുട്ട ഉണ്ടെങ്കില്‍ നിങ്ങള്‍ക്ക് ഏതു ഫല വൃക്ഷവും നിങ്ങളുടെ ടെറസിലോ , മുറ്റത്തോ വളര്‍ത്താം. സ്വന്തമായി ഒത്തിരി ഭൂമി ഇല്ല എന്നോ പറയേണ്ട....

    ReplyDelete
  2. വേണമെങ്കില്‍ ചക്ക വേരിലും കായ്ക്കും!!

    ReplyDelete
  3. തോമസ് സാറിന്റെ കൃഷിയുടെ വീഡിയോ ലിങ്കും കൊടുക്കാമായിരുന്നു ..http://www.youtube.com/watch?v=h0Y_bNjcZJQ

    ReplyDelete
  4. Good idea. ....
    Thanks and all the best!
    ..@srus..

    ReplyDelete
  5. വലിയ മാവും ഈ ചെറിയ കുട്ടയിൽ വളരുമോ .....

    ReplyDelete
  6. ഇങ്ങനെ വളര്‍ത്തുന്ന ചെടികള്‍ മരമായാല്‍ ടെറസിന്റെ മുകളിലൊക്കെ നില്‍ക്കുമോ കട്ടെടുക്കില്ലേ മറിഞ്ഞ് വീഴില്ലേ . അനുഭവമുള്ളവര്‍ മറുപടി തരില്ലെ

    ReplyDelete