കാള കിടക്കും കയറോടും എന്നാ പഴമൊഴി മത്തനേയും വള്ളിയും ആണ് സൂചിപിക്കുന്നത് . മത്തന് കൃഷി എല്ലാ വര്ഷവും ചെയ്യും എങ്കിലും ഫലം കിട്ടുന്നത് ചുരുക്കമാണ് . ഇല തോരന് വക്കുവാന് എടുക്കുകയാണ് ചെയുന്നത് . ഞങ്ങള് ഇവിടെ വസ്തു വാങ്ങിയ സമയത്ത് പറമ്പില് ധാരാളം മത്തങ്ങാ കായ്ച്ചു കിടന്നിരുന്നു . വലിയ മഞ്ഞ കായകള് . പിന്നീടു എന്തുകൊണ്ടോ കായകള് അധികം പിടിച്ചില്ല . ഫെബ്രുവരി മാസത്തോടെ ഒരു തടം എടുത്തു മത്തന് നട്ടു. എന്നാല് അതിനു വലിയ വളര്ച്ച ഒന്നും കണ്ടില്ല .ചൂട് സമയത്ത് കുറച്ചു വെള്ളം ഒഴിച്ചു . പിന്നീട് മഴ പെയ്തു കഴിഞ്ഞപ്പോള് അല്പം നന്നായി വളരുവാന് തുടങ്ങി . ആദ്യം ഉണ്ടായ കായകള് ഒക്കെ കായീച്ച കുത്തി കളഞ്ഞു . ഒരു ആഴ്ച മുന്പ് പ്രളയം കഴിഞ്ഞു ചെല്ലുമ്പോള് അതാ രണ്ടു കായകള് ഉണ്ടായി വരുന്നു . അവയെ കണ്ടപ്പോള് തന്നെ ആനന്ദം തോന്നി . കുഞ്ഞുങ്ങളെ കാണുമ്പോള് ഉള്ള ആനന്ദം . കായീച്ച കുത്താതെ രണ്ടു കായ എങ്കിലും കിട്ടിയല്ലോ . നോനമോനെയും കിങ്ങിനയെയും , അപ്പുറത്തെ ഗര്വിനെയും വിളിച്ചു കാണിച്ചു . ലീനയെയും വിളിച്ചു കാണിച്ചു . ദൈവം തന്ന മത്തനാണ് എന്ന് സന്തോഷത്തോടെ പറഞ്ഞു . എല്ലാം ഫലം ആയി കിട്ടണം എങ്കില് ദൈവം വിചാരിക്കണമല്ലോ
No comments:
Post a Comment