ചേന നടീൽ എത്ര എളുപ്പം

വളരെ എളുപ്പമാണ് ചേന നടുവാൻ . പൂളുകളാക്കിയ ചേന ചാണകവെള്ളത്തിൽ മുക്കി ഒരാഴ്ച തണലത്ത് വയ്ക്കുക .അധികം ആഴമില്ലാത്ത ,ചേനപ്പൂള് കഷ്ടിച്ച് ഇരിക്കത്തക്ക വിധമുള്ള ഒരു കുഴി എടുത്ത് ചേനപ്പൂള് അതിൽ വച്ച് മണ്ണിട്ട് മൂടുക . അതിനു മുകളിൽ ഇലകൾ കൊണ്ട് പുതയിട്ട് അൽപ്പം ചാണകം ഇടുക ഇത്രമാത്രം ചേന നട്ടു കഴിഞ്ഞു..... നന്ദി ....

ചേന നടാത്തവനെ അടിക്കണം

ഇത് നമ്മുടെ നാട്ടിൽ കേട്ടു വന്നിരുന്ന ഒരു പഴമൊഴി . ചേന നടാത്തവനെ അടിക്കണം . ഇതിന്റെ അർത്ഥമി താണ് , കാർഷിക പ്രവർത്തനങ്ങളിൽ ഏറ്റവും അനായാസം ചെയ്യാവുന്ന ഒന്നാണ് ചേന നടീൽ . ആ പ്രവൃത്തി പോലും ചെയ്യാത്തവൻ കുഴി മടിയൻ ആയിരിക്കും .സ്വന്തം ആഹാരം പോലും വിളയിക്കുവാൻ താൽപ്പര്യമില്ലാത്ത അവനെ ഓടിച്ചിട്ട് അടിക്കണം എന്നാണ് പഴമക്കാർ പറയുന്നത് .എന്തായാലും അടികൊള്ളുവാൻ താൽപ്പര്യമില്ലാത്തതു കൊണ്ട് ജോലിത്തിരക്കുകൾക്കിടയിലും അൽപ്പ സമയം കണ്ടെത്തി ഞാൻ ചേന നടുവാൻ പറമ്പിലേക്ക് ഇറങ്ങുകയാണ്..... നിങ്ങളോ ?..... നന്ദി.....

ആകാശവാണി

https://soundcloud.com/john-vg-2/radio-speech-john

ആകാശവാണി തിരുവനന്തപുരം നിലയം 17/2/2018 ശനിയാഴ്ച രാവിലെ 9 മണിക്ക് സംപ്രേഷണം ചെയ്ത റേഡിയോ ഗ്രാമരംഗം പരിപാടിയില്‍ കേള്‍വി അനുഭവവും അനുഭൂതിയും എന്ന വിഷയത്തില്‍ ഒരു പ്രഭാഷണം ചെയ്യുന്നതിന് അവസരം കിട്ടി . ഈ പ്രഭാഷണത്തിന്‍റെ പ്രസക്ത ഭാഗം ഇതോടൊപ്പം സമര്‍പ്പിക്കുന്നു ... നന്ദി...

റബ്ബർ യുഗം അസ്തമിക്കുന്നു കൃഷി ഉദിക്കുന്നു

കഴിഞ്ഞ 15 വർഷത്തിൽ ഏറെയായി പറമ്പ് അടക്കിവാണ റബ്ബർ മരങ്ങളുടെ കാലഘട്ടം അവസാനിക്കുവാൻ പോകുന്നു. മരങ്ങൾ നീക്കം ചെയ്യുന്നതിന് കരാർ കൊടുത്തു . റബ്ബർ നീക്കം ചെയ്ത് ഭൂമി ഒരുക്കിയെടുത്ത് ഒരു കൃഷിത്തോട്ടം ഉണ്ടാക്കണമെന്നത് ജീവിതത്തിലെ വലിയ ഒരാഗ്രഹമാണ് . 15 വർഷം മുൻപ് സമൂഹം മുഴുവൻ റബ്ബറിന്റെ പിന്നാലെയായിരുന്നു. അതു കൊണ്ട് ഞങ്ങളും റബ്ബർ നട്ടു .അതിന്റെ ദുരന്തങ്ങൾ തിരിച്ചറിഞ്ഞപ്പോൾ തിരുത്തുകയാണ് .കഴിഞ്ഞ തലമുറയുടെ പ്രവൃത്തികൾക്ക് ഒരു തിരുത്ത് .കൃഷിയെ മടക്കി വരുത്തണം റബ്ബറിന്റെ വേരിളക്കി ആ കുഴിയിൽ തെങ്ങും ,മാവും, ചാമ്പയും ,കപ്പയും ,വാഴയുമൊക്കെ നട്ടുവളർത്തണം .രണ്ടു ദിവസത്തിനുള്ളിൽ ആളുകൾ എത്തും റബ്ബർ യുഗത്തിന് അന്ത്യം കുറിക്കുവാൻ

മണ്ണിന്റെ കൈയ്യൊപ്പ് പതിഞ്ഞ വിഷുക്കണി

അതിരാവിലെ എഴുന്നേറ്റു . അടുക്കളയിലെ സ്റ്റോറിൽ നിന്നും ഓട്ടുരുളി  എടുത്ത് തലേ ദിവസം തന്നെ തയ്യാറാക്കി വച്ചിരുന്ന ചക്ക ,വെള്ളരി, കണിക്കൊന്ന, നാളീകേരം , നാരങ്ങ, വാഴപ്പഴം ,എഴുത്തോല എന്നിവ അതിൽ ക്രമീകരിച്ചു . നിലവിളക്ക് കത്തിച്ചു. ഇനി എല്ലാവരേയും വിളിച്ചുണർത്തി കണി കാണിക്കണം മണ്ണിന്റെ കൈയ്യൊപ്പുള്ള വിഷുക്കണി ...നന്ദി.... നമസ്ക്കാരം

വീട്ടുമുറ്റത്ത് കണി വെള്ളരി വിളഞ്ഞപ്പോൾ

വീട്ടുജോലിക്കും ഓഫീസ് ജോലിക്കും ഇടയിൽ കിടന്ന് ശ്വാസം മുട്ടുമ്പോഴും മനസ്സിൽ ഒരാഗ്രഹം ഉണ്ടായിരുന്നു. ഇത്തവണത്തെ വിഷുവിന് കുട്ടികളെ കണി കാണിക്കുവാൻ വീട്ടുമുറ്റത്തു നിന്നും പറിച്ചെടുത്ത ഒരു വെള്ളരിക്ക എങ്കിലും വേണം. അതിനു വേണ്ടി ദിവസം അരമണിക്കൂർ കൃഷിക്കായി ചെലവഴിക്കുവാൻ തീരുമാനിച്ചു.എല്ലാ ദിവസവും സാധിച്ചില്ല എങ്കിലും ആഴ്ചയിൽ ശരാശരി മൂന്നു ദിവസം അരമണിക്കൂർ കൃഷിക്കു വേണ്ടി മാറ്റി വയ്ക്കുവാൻ കഴിഞ്ഞു. ഒരു ദിവസം തടം ഒരുക്കും അടുത്ത ദിവസം മണ്ണിൽ ജൈവവളം ചേർക്കും അതിനടുത്ത ദിവസം വെള്ളരി വിത്തിടും അങ്ങനെ അങ്ങനെ. പരിശ്രമത്തിന് പ്രകൃതി (ഈശ്വരൻ ) ഫലം തന്നു . കിങ്ങിണ മോളേപ്പോലെ ഒരു കൊച്ചു കണിവെള്ളരി ... നന്ദി : നമസ്ക്കാരം

കുംഭ ചേന കുടത്തോളം

ഇന്ന്  കുംഭ മാസത്തിലെ   വെളുത്ത വാവ് ദിവസം . നമ്മുടെ പൂര്‍വികര്‍ പരമ്പരാഗതമായി മണ്ണില്‍ ചേന വിത്ത് നടുന്ന ദിവസം . ഇന്ന് നടുന്ന വിത്ത് വളര്‍ന്നു കരുത്തോടെ പൂര്‍ണ ചന്ദനെ പോലെ യുള്ള വലിപ്പമുള്ള ചേന തരും എന്നാണ് വിശ്വാസം . അനുഭവങ്ങള്‍ ഈ വിശ്വാസത്തിനു ബലം നല്‍കുന്നു . നോനമോനെയും കിങ്ങിനയെയും ചേന നടുവാന്‍ കൂടെ കൂട്ടി . ഏഴ് ദിവസം മുന്‍പേ ഒരു ചേന മുന്നായി മുറിച്അരഞ്ഞാണംപോകാതെമുളകളഞ്ഞു   ചാണകപാലില്‍മുക്കിതണലത്തുവച്ച്ഉണക്കിയിരുന്നു .അതാണ്ഇന്ന്നട്ടത് .കുടത്തോളംവലിപ്പമുള്ളചേനതന്നുപ്രകൃതിഅനുഗ്രഹിക്കും .....നന്ദി