വലിയ പ്രതീക്ഷ യോടെയാണ് കുറ്റിപ്പുറത്തേക്ക് വന്നത് .ഭാരതപ്പുഴ കാണുവാനായി. കണ്ടപ്പോൾ മതിയായി. ഒരു ചാലു പോലെ നേർത്ത്.നഗരങ്ങളുടെ അഴുക്കും പേറി ഭാരതപ്പുഴ അന്ത്യശ്വാസം വലിക്കുന്നു .നദിയുടെ മാറിൽ കുഴികൾ തീർത്ത് മണൽ ഊറ്റിയതിന്റെ അടയാളങ്ങൾ പേരറിയാത്ത പുല്ലുകൾ കൊണ്ട് പ്രകൃതി മായിച്ചിരിക്കുന്നു. നദീതീരത്തെ നിളാ പാർക്കിൽ പണ്ട് എന്നോ സ്ഥാപിച്ച ഒരു ബോർഡു കണ്ടു . നദിയിൽ ഇറങ്ങുന്നത് കർശനമായി നിരോധിച്ചിരിക്കുന്നു.!!! എവിടെ നദി? എവിടെ വെള്ളം ? അവിടെ ഇപ്പോൾ പൊന്തക്കാടുകളാണ്. നിളാതീരത്ത് പ്രതീക്ഷ യോടെ വരുന്നവർക്ക് നദി കാണുവാൻ കഴിയില്ല .പൊന്തക്കാടുകളും പുൽമേടുകളുമാണ് കാണുവാൻ കഴിയുക. അന്ത്യശ്വാസം വലിക്കുന്ന നിളേ നീ എന്നാണ് പുനർജനിക്കുക?
