കര്കിട്ക കഞ്ഞി എളുപത്തില്‍ വീട്ടില്‍ തന്നെ തയാര്‍ ആക്കാം!!!!

കര്കിടകം പിറന്നു . ശരീരത്തിനും മനസിനും കരുതല്‍ വേണ്ട മാസം . ഇത്തവണയും കര്കിട്ക കഞ്ഞി തയാര്‍ ചെയ്തുനമ്മുടെ മഹത്തായ നാട്ടു പാരമ്പര്യത്തിന്റെ ഭാഗം ആണ് കര്കിട്ക കഞ്ഞി .ഒന്ന് മിനക്കെട്ടാല്‍ നമുക്ക് ഒരു പ്രയാസവും കൂടാതെ അത് വീട്ടില്‍ തന്നെ ഉണ്ടാക്കാം . വിപണിയില്‍ നിന്നും കിട്ടുന്ന കഞ്ഞി കവരിനെ ആശ്രയിക്കേണ്ട  .ഉണക്കലരി കഞ്ഞി വച്ച് അതില്‍ എള്ള്, ഉലുവ , ജീരകം , പരിസരത്ത് നിന്നും കിട്ടുന്ന പച്ച ഇലകള്‍ ...കൊടിതുവ , മാവ് ,പ്ലാവ് ,പുനര്‍നവ ...തുടങ്ങിയവ  ഇട്ടു തേങ്ങ പാലും ഒഴിച്ചു മണ്ണിന്‍റെ ചട്ടിയില്‍ പകര്‍ന്നു പ്ലാവില കുത്തി അത് ഉപയോഗിച്ച് കഞ്ഞി കുടിക്കാം. അടുത്ത അഞ്ചു ദിവസം അടുപിച്ചു ഈ കഞ്ഞി തന്നെ ഉണ്ടാക്കി കുടിക്കും . തേങ്ങ പാല്‍ എടുത്ത പീരയില്‍ അല്പം മുളകും ഉള്ളിയും പുളിയും വച്ച് കല്ലില്‍ അരചെടുത്താല്‍ ഒന്നാതരം ചമ്മന്തി റെഡി . അപ്പോള്‍ നാളെ തന്നെ കര്കിട്ക കഞ്ഞി നിങ്ങളും ഉണ്ടാക്കുകയില്ലേ .... നന്ദി ...നമസ്കാരം 

കര്‍കിടകം പിറന്നു വീട്ടില്‍ തന്നെ കര്കിടക കഞ്ഞി ഉണ്ടാക്കു

                                              കര്‍കിടകം പിറന്നു . കര്കിടക കഞ്ഞി കുടിക്കുന്ന സമയം ആയി . കമ്പോളത്തില്‍ ഒത്തിരി കമ്പനികള്‍ കര്കടക കഞ്ഞി കിറ്റുമായി എത്തി കഴിഞ്ഞു . നമുക്ക് എന്തുകൊണ്ട് അല്പം മിനക്കെട്ടു കര്കിടക ക്കഞ്ഞി  ഇത്തവണ വീട്ടില്‍ തന്നെ തയാര്‍ ചെയ്തു കൂടാ ... കമ്പോളത്തെ ഒരു പരിധി വരെ ആശ്രയിച്ചാല്‍ മതി

ഞങ്ങള്‍ കര്കിടക കഞ്ഞി ഉണ്ടാക്കുന്നത് ഇങ്ങനെ ആണ്

ഉണക്കലരി ഇരു നാഴി എടുത്തു അടുപതു ഇടുന്നു

അതിലേക്കു അല്പം ജീരകം , അല്പം എള്ള്, അല്പം ഉലുവ എന്നിവ ഇടുന്നു

മാവിന്‍റെയും , പ്ലാവിന്റെയും നാലു ഇലകള്‍ അതിലേക്കു ഇടുന്നു

കഞ്ഞി പാകം ആയി കഴിയുമ്പോള്‍ അര മുറി തേങ്ങ തിരുമി അതിന്റെ പാല്‍ പിഴിഞ്ഞു അതിലേക്കു ഒഴിക്കുന്നു

കര്കിടക കഞ്ഞി റെഡി

ഓരോ ദിവസവും  നമ്മുടെ പറമ്പില്‍ ഓഷധ ഇലകള്‍  വേണമെങ്കില്‍ മാറി മാറി ഇടാം
ഇനി കഞ്ഞിയുടെ കൂടെ എന്ത് കൂട്ടാന്‍ എന്നല്ലേ

അതിനും ഉണ്ട് മാര്‍ഗം

അരമുറി ചേന മുറിച്ചു കഷണം ആകി കുക്കറില്‍ വേവിക്കുക .... നാലു വിസില്‍ അടിക്കട്ടെ
തേങ്ങ പാല്‍ എടുത്ത ശേഷം കിട്ടുന്ന  തേങ്ങ പീര കളയാതെ അതിലേക്കു നാലു പച്ച മുളകും അല്പം ജീരകവും ചേര്‍ത്ത് അരക്കുക .

ഉടച്ച  ചേനയില്‍  ഇത് ചേര്‍ത്ത് ഒന്ന് തിളപിച്ചു  അതിലേക്കു അല്പം പച്ചവെളിച്ചെണ്ണ യും കറിവേപ്പിലയും ഇട്ടു വാങ്ങി വച്ചാല്‍  അസ്ത്രം റെഡി

ഇനി ഒരു മണ്‍ ചട്ടിയില്‍ അല്പം കഞ്ഞി പകര്‍ന്നു അല്പം അസ്ത്രവും ഒഴിച്ചു ഒരു പ്ലാവില കുത്തി  ഒന്ന് കോരി കുടിച്ചു നോക്കുക........ അതിന്‍റെ സുഖം ഒന്ന് വേറെ തന്നെ .... നമുക്ക് ഒരു പത്തു വയസു കുറയും

കര്കിട്ക  കഞ്ഞി ഒരു നാട്ടു നന്മയാണ് .... നമ്മുടെ സംസ്കാരത്തിന്‍റെ ഭാഗം ആണത് .... നമ്മുടെ കുഞ്ഞുങ്ങള്‍ക്ക് ആ സംസ്കാരം പകര്‍ന്നു നല്‍കുക നാം ......


ഇത്തവണ കര്കിട്ക കഞ്ഞിയുടെ ചിത്രങ്ങള്‍ ഇതോടൊപ്പം .... വായിക്കുക ... കാണുക .... കര്കിട്ക കഞ്ഞി ഉണ്ടാക്കുക ...... അഭിപ്രായം അറിയിക്കുക .... നന്ദി ... നമസ്കാരം

ഇലകള്‍ പറിക്കാന്‍ കുട്ടി പട്ടാളം 

ഉണക്കലരി 

ജീരകം , ഉലുവ , എള്ള്

കഞ്ഞി റെഡി 

ചേന അസ്ത്രം ഉണ്ടാക്കാന്‍ 

അസ്ത്രം  റെഡി 

കഞ്ഞിയും അസ്ത്രവും 

കിങ്ങിണ 

പ്ലാവില കൊണ്ട് നോനമോന്‍