വരാന്തയിലെ പടിക്കെട്ടിന് ഇടതു വശത്ത് മുകളിലായി ആറ്റക്കുരുവിയുടെ ഒരു ഒഴിഞ്ഞ കൂട് ഞങ്ങൾ തൂക്കിയിട്ടിരുന്നു. വീടിന് അടുത്തുള്ള പാടത്തിന്റെ കരയിലെ തെങ്ങിൽ കൂടുകൂട്ടിയ ആറ്റക്കുരുവികൾ ഉപേക്ഷിച്ച കൂടായിരുന്നു അത് . നോ നമോനും കിങ്ങിണയും ചേർന്നാണ് ഒരു കൗതുകത്തിനായി ആ കൂട് വീടിന്റെ മുൻ ഭാഗത്ത് കെട്ടിത്തൂക്കിയത് .കുറച്ചു ദിവസം കഴിഞ്ഞ പ്പോൾ കൂട്ടിൽ ഒരു അനക്കവും ബഹളവും ഒരു കുഞ്ഞിക്കിളിയുടെ കുറുകലും കരച്ചിലും. കുഞ്ഞിനു തീറ്റയുമായി അമ്മക്കിളി.ആറ്റക്കറുപ്പൻ എന്ന യിനം കിളിയാണെന്ന് തോന്നുന്നു. എന്തായാലും രണ്ടു ദിവസം മുൻപ് എല്ലാവരും പറന്നു പോയി.വാടക കൂട്ടിൽ പിറന്ന കുഞ്ഞുമായി!
